Mahsulot tavsifi:

Leykotsitlar (qadimgi yunoncha: λευκός — oq va κύτος — hujayra) — odam va hayvonlar qonidagi rangsiz hujayralar. Ular qonning yadroli shaklli elementlari boʻlib, tayoqcha yadroli, segment yadroli va monotsitlarga ajraladi. Suyak koʻmigi, limfa tugunlari va taloqda hosil boʻladi. Donali Leykotsitlar (granulotsitlar) va donasiz Leykotsitlar (agranulotsitlar) farq qilinadi. Qonni tekshirganda Leykotsitlarning boʻyalish xususiyatiga qarab, ularni eozinofillar, bazofillar va neytrofillarga boʻlinadi. Ularning har biri maʼlum bir funksiyani bajaradi. Leykotsitlar qon tomir oʻzanidan chiqib hujayralararo boʻshlikda oʻzicha harakat qila oladi.