Mahsulot tavsifi:

Sinaps - nerv tolasidan va uning tomonidan innervatsiyalanuvchi hujayra-muskul, nerv yoki bez xujayralariga qoʻzgalishning oʻtishini taʼminlovchi mustaqil tuzilma-aloqaga aytiladi. Sinaps murakkab tuzilishga ega, u uchta asosiy element: presinaptik membrana, postsinaptik membrana va sinaps yorigʻidan iborat. Nerv oxirini qoplovchi membrana presinaptik membrana deb ataladi. Nerv oxirida neyrosekretor apparat bor. Innervatsiyalanadigan xujayrani qoʻzgʻatuvchi yoki tormozlovchi mediatori nerv oxiridan ajralib chiqadi. Tinchlikda mediator pufakchada boʻladi. Presinaptik membrane depolyarizatsiyalanganda bu pufakchalar yorilib, mediator yuzaga chiqadi va sinaps yorigʻiga quyiladi. Bu yoriq tarkibi jihatidan qon plazmasiga oʻxshab ketadigan hujayralararo suyuqlik bilan toʻla. Mediator yoriqdan tez diffuziyalanib chiqib, innervatsiyalanadigan hujayraning membranasiga taʼsir etadi. Xujayra membranasining nerv oxiriga bevosita chegaradosh qismi postsinaptik membrana deb ataladi. Postsinaptik membrana oʻz xossalariga koʻra, mediatorlarga nisbatan juda yuksak.