Fayl tavsifi:

Suvning fiziologik ahamiyati: Odam jismining o’rtacha 65% (katta yoshli odamlar uchun) - 80% (bolalar organizmi) suvdan tashkil topgandir. Suv organizmda barcha moddalarning universal erituvchisi hisoblanib, organizmda suvsiz ro’y beradigan birorta ham biokimyoviy jarayon to’liq holda amalga oshmaydi, u hujayra elementining muhim tarkibiy qismi hisoblanadi, suv organizmdagi issiqlikning boshqarilish jarayonida faol ishtirok etadi va h.k. Komfort sharoitdagi mikroiqlimda organizmdagi fiziologik funksiyalarni amalga oshirish uchun bir kecha - kunduz davomida o’rta hisobda 1,5 l ga yaqin suv kerak bo’ladi. Bu miqdor organizmning minimal fiziologik ehtiyoji bo’lib, undan kam miqdorlarda iste’mol qilinganda organizmning suvsizlanish holati kuzatiladi. Organizmdan 5% miqdordagi suv yo’qotilsa, bizda chanqash holati, 10% suv yo’qotilganda esa, funksional o’zgarishlar va turli patologik holatlar, 20% dan ortiq suv yo’qotilganda - organizmning suvsizlanishi tufayli o’lim yuzaga kelishi mumkin. Komfortli mikroiqlim sharoitida suvga bo’lgan fiziologik ehtiyoj kuniga 2,2 l ni tashkil qiladi. Bizning issiq iqlim sharoitimizda yilning issiq