Mahsulot tavsifi:

Тромбоз – тирикликда юрак бўшлиқлари ва томирлар ичида қоннинг ивиши. Тромбоз – патологик жараён бўлгани билан, унинг асосида қонни ивитадиган физиологик хоссалар ётади. Тромб пайдо бўлиши, бирин-кетинлик билан келадиган 4 та даврдан иборат: 1) тромбоцитлар агглютинацияси, қондан тромбоцитлар эндотелийнинг шикастланган соҳасига адгезияланади ва дегрануляцияланиб, серотонин ва тромбопластин пайдо қилади; 2) фибриноген коагуляцияси ва фибрин пайдо бўлиши; 3) эритроцитлар агглютинацияси; 4) плазма оқсиллари преципитацияси. Тромбоз сабаблари маҳаллий ва умумий омилларнинг ўзаро боғланиб келишидан иборат.