Mahsulot tavsifi:

Maqolada vitaminli preparatlar haqida so‘z boradi. 1880 yilda rus olimi N. I. Lunin tomonidan o‘tkazilgan tadqiqotlar natijasida vitaminlar mavjudligi aniqlandi. Keyinchalik ingliz biokimyogari F. Xopkins bu moddalarni qo‘shimcha oziq-ovqat omillari deb atadi. Polsha olimi K. Funk esa ularga vitaminlar – hayotiy aminlar nomini berdi. Hozirgi vaqtda 50 ga yaqin vitamin va ularning analoglari ochilgan va o‘rganilgan. Vitaminli preparatlar – bu turli vitaminlarning dorivor shakllari (kukunlar, tabletkalar, drajeler, eritmalar va boshqalar) bo‘lib, ular veterinariyada fiziologik jarayonlarni tartibga solish va rag‘batlantirish, gipo- va avitaminozda hayvonlarni davolash va oldini olish uchun keng qo‘llaniladi.